影片
更多
2019-09-14
48 浏览
平時出街食飯通常中日韓泰越，印尼菜真係少會去食。 餐廳位置方便就在皇室堡後面，規模係小鋪size，餐廳門口有個外賣專櫃賣小食，好易搵。印尼咖啡涼粉冰，咖啡味香濃，加上涼粉有食甜品感覺。牛油果沙冰，牛油果味道清淡但又幾fresh 感覺。柑桔青瓜冰，帶微酸又清涼，熱天飲夠消暑。小食拼盤有雞翼丶炸雞丶豆腐丶黃豆餅丶炸秋葵及配一個酸辣醬 ，炸物唔油膩，份量兩個人啱啱好。沙爹串燒拼盤有白鱔丶羊肉丶牛肉丶雞肉，每款兩串沙爹微辣恰到好處。串燒燒至肉邊位少少濃，令串燒烤肉味更香濃。雜菜黃薑原條炸魚班蘭飯本來係跟白飯，但店員話也可免費轉班蘭飯，第一次食班蘭飯 少少甜，口感少少黏，幾特別。魚煎到剛熟，魚皮又脆。 條魚幾大條加埋啲飯，如果一個人都未必食得曬。虎蝦花膠湯粉皮係我最期待嘅菜式，餐牌見到蝦同湯以為係一齊煲，原來係分開上。 湯有一塊大花膠，湯唔油又唔會過鹹。 粉皮份量十分多，炸虎蝦另上保持脆口感。 菜式款類多，味道都唔差。 最重要係員工服務態度好好，我朋友不小心倒瀉飲品，員工都好關心客人有冇淋到個身。 雖然只係杯凍飲，但係好感覺到佢地嘅caring，係香港已經好少見到咁嘅服務。
印尼咖啡涼粉冰，咖啡味香濃，加上涼粉有食甜品感覺。
牛油果沙冰，牛油果味道清淡但又幾fresh 感覺。
柑桔青瓜冰，帶微酸又清涼，熱天飲夠消暑。
小食拼盤有雞翼丶炸雞丶豆腐丶黃豆餅丶炸秋葵及配一個酸辣醬 ，炸物唔油膩，份量兩個人啱啱好。
沙爹串燒拼盤有白鱔丶羊肉丶牛肉丶雞肉，
每款兩串沙爹微辣恰到好處。串燒燒至肉邊位少少濃，令串燒烤肉味更香濃。
雜菜黃薑原條炸魚班蘭飯本來係跟白飯，但店員話也可免費轉班蘭飯，第一次食班蘭飯 少少甜，口感少少黏，幾特別。魚煎到剛熟，魚皮又脆。 條魚幾大條加埋啲飯，如果一個人都未必食得曬。
虎蝦花膠湯粉皮係我最期待嘅菜式，餐牌見到蝦同湯以為係一齊煲，原來係分開上。 湯有一塊大花膠，湯唔油又唔會過鹹。 粉皮份量十分多，炸虎蝦另上保持脆口感。
菜式款類多，味道都唔差。 最重要係員工服務態度好好，我朋友不小心倒瀉飲品，員工都好關心客人有冇淋到個身。 雖然只係杯凍飲，但係好感覺到佢地嘅caring，係香港已經好少見到咁嘅服務。
张贴
