二鍋頭 (嘉芙中心)

营业中

休息中

今晚試咗一間質素高的任食打邊爐，多得朋友推介先知有呢一間火鍋店，估唔到任食場D食物質素都可以咁高。一坐低其中一個Friend就話要食羊腩煲，咁就叫啦，個羊腩煲絕不欺場，係隻冬羊腩煲，冬菇冬筍支竹馬蹄非常足料，而且好多羊腩，每人加$68算幾抵食。跟手仲叫咗個生蠔，$38一隻，都算厚身，無沖走晒D海水，唔錯。打邊爐湯底就揀咗傳統嘅皮蛋芫茜湯底，個湯底一D都唔Hea，勁多皮蛋同芫茜，雖然呢D都唔係D乜野值錢野，但係出面好多任食火鍋都係求其比少少皮蛋芫茜就算。任食配料都有好多選擇，我地揀咗$258嗰個餐，D牛靚D又有我最鍾意嘅鱔片，同埋佢仲可以揀蝦同蜆呢D海鮮，當中鵝腸最有驚喜，新鮮得黎仲有少少鵝脂肪連住，爽口彃牙有鵝油味，好得。