蒲東小館 (彌敦道) (已結業)

今日同女朋友去咗油麻地买嘢，行过见到有间新开嘅上海嘢，咁啱做紧下午茶，于是就同女朋友一齐试试。入到去见到装修都几靓，坐低咗，侍应就攞左壸玄米茶嚟，都几好饮。再睇下餐牌，都有好多唔同嘅选择，价钱都唔算贵，另包餐饮，同可以再加钱叫多份小食。我同女朋友就点咗个猪扒担担面，同狮子头窝面，另再加钱叫咗个小笼包。先嚟系猪扒担担面，猪扒同面分开上，两者份量都绝对唔系下午茶size，猪扒一大块，炸得几香口！碗面女朋友都话可以少啲，至于汤底我哋叫咗小辣，花生酱味较浓，钟意浓味嘅人一定要试。面属幼身，软度适中唔太林，正！之后到狮子头窝面，用瓦煲上，保证热辣辣。上汤底配上面及狮子头，感觉较担担面清一啲。不过要赞一赞狮子头，平时系其他地方食开，一啲我觉得太瘦，一啲就肥膏多过肉，今次依个个比例啱啱好，送面一流。到上小笼包，加小小钱就有四个，抵！小笼包皮薄，夹起嘅时候真系要小心啲，唔好哂咗入面啲汤汁。而我最钟意都系成粒一口食！觉得咁样食先系最畅快嘅！仲有要提一提餐饮，我拣左秘制嘅酸梅汤，可以话有惊喜，特别系第一啖饮嘅时候，真系吓咗一吓，唔知点解杯嘢咁重口味，同平日去打边炉饮嘅酸梅汤比起嚟，可以话系两倍甚至三倍特浓