名館 (已結業)

花膠姫松茸燉烏雞，我非常鐘意呢個湯，亦令我忍唔住要寫上黎讚讚。可能係因為近排鐘意食菇，雖然個湯唔係好濃，但菇味幾重，我鐘意。陳醋珊瑚紅海蜇頭，好厚肉，同出面買既海蜇頭唔同，又鮮又有咬口，成個菜都好入味。古罈酸菜活生魚，上枱嘅時候見到湯面佈滿一層花椒，無為意有個筲箕，跟住成晚就夾住啲花椒一齊食，大家食果陣記得夾走花椒先呀。魚片唔「鞋」，不過千祈唔好夾住酸菜食，會蓋過咗啲魚味。反而湯底唔係好咸，少少辣，就咁飲有啲似胡椒豬肚湯，可以當係一個湯咁飲，正。鮮蝦馬鈴薯薄餅，十分好食！餅底脆卜卜，煎得好香。薯仔代替麵粉/蛋，感覺無咁油同好似幾飽肚。