燒肉 帝 (已結業)

估唔到日出康城裏面竟然有一間高級日本燒烤。日前午市叫咗個海鮮二人餐。坐低之後，先上兩個前菜，一小碟兩塊牛脷及一個七彩沙律。牛脷香，腍，唔錯。沙律新鮮，味道亦吸引。跟住上海鮮盆，有兩隻虎蝦，兩塊鱔片，兩隻帶子。除了主打海鮮外，重附有一件大牛扒，有睇頭。其他配菜，有白飯，麵豉湯，蒸蛋及後上啫喱糖。職員十分貼身，她提議先燒牛肉，等爐上有牛油可以再燒其他海鮮。總括來講，燒牛肉，味道鮮美。白鱔片，香脆煙韌。帶子鮮美好味。虎蝦肉身爽脆，但是淡口一點。至於其他配菜，亦都十分有水準。餐廳環境唔錯，而且仲有室外座位。可以happy hour，名牌啤酒放題，好似88蚊飲個半鐘頭。我又搵到一個好去處。