茶碗蒸 ： 蛋好滑，有清清嘅香菇味
蟹肉冬瓜： 咬落去啖啖蟹肉，冬瓜好入味。
北海道生蠔配紫蘇花 ： 生蠔個殼薄身，但好大粒，肉質好肥美多汁，配合紫蘇花一齊食，口味好特別。
間白魚刺身 ＋ 日本蔬菜： 間白魚好厚身，好爽口，日本蔬菜好 Fresh
白象拔蚌刺身＋海葡萄配蒙古岩鹽： 推薦！有大概10片象拔蚌，好滑口，咬落好脆口，點上少少蒙古岩鹽，帶出象拔蚌嘅鮮甜味。
赤貝刺身＋中拖羅刺身： 中拖羅個脂肪比例好，有入口即溶嘅感覺，赤背大塊爽滑。
鱈魚西京燒： 香口， 肉質柔嫩滑
北海道帆立貝： 好大粒，無經過冰鮮，鮮甜
金目鯛魚： 肉質細嫩鮮美，燒過嘅魚皮，好香。
鮫鰈魚：配上魚肝，有三個唔同嘅層次口感。
富山縣嘅白蝦壽司： 白蝦嘅份量好多， 黏性好強，玻璃質感，清甜有蝦味。
手握海膽壽司： 師傅直接一手交一手，一大塊紫菜包住海膽同飯團，堆滿海膽，海膽好新鮮
海鮮麵豉湯： 麵豉湯充滿海鮮嘅鮮甜味，鹹到適中
黑糖蛋糕： 蛋糕好鬆軟，甜度適中
成間餐廳唔係好多位，大概有10多個，可以清楚見到廚師準備食物，每食完一道菜，先會再上下一道，等待同期待下一個食物嘅感覺好正，食材好鮮甜，有小朋友餐椅提供。
