大澳德發 (已結業)

- 出左消費券，就緊係要同朋友出去行下街，shopping下啦！到左晚飯時間，所以要搵餐廳醫肚，但平時同朋友出街都係食Cafe同西餐多，好耐都無食過中菜，一於試試呢間餐廳。- 舖頭一共有兩層，雖然係晚飯時間，好彩我地去到都有位，唔需要等好耐，職員就安排左坐位俾我地，仲有沙發可以坐好舒服。- 好多款式既菜式都有，蒸海鮮同小菜等等😍，每款都好似好吸引。- 我每次食中菜都必叫咕嚕肉，呢間既咕嚕肉好好食，唔會太肥而且炸到好脆口，酸甜味道啱啱好，仲要啖啖肉，超級好送飯🤪🤪！- 由於我同朋友都成日食熱氣野，所以我地都想飲返杯薏米水降降火🤪，呢杯薏米檸檬水好好飲！- 我地見好多枱都有叫到卜卜蜆煲，所以我地都試下，蜆都偏大隻，而且洗得乾淨無沙，好鮮甜。- 當然唔少得要食蒜蓉粉絲蒸聖子，聖子上面放左既粉絲同超多蒜蓉，好入味，超好食。- 西蘭花炒鮮魷份量好多，勁抵食呀，而且仲加左冬菇同燈籠椒落去炒，超好食，仲唔會太鹹。