三哥廚房擔擔麵菜飯專門店

营业中

休息中

马鞍山一向都被称为美食沙漠，但其实近一两年间都开咗好多新店，而哩间三哥就开得算比较耐，自我有印象以嚟都起码开咗两三年（应该系），而三哥我食过都不下三四次，通常食得第二三次间舖头都有番咁上下嘅。今次叫咗份炸猪扒菜饭加镇江汁，虽则猪扒唔系好大块，但肉质同味道都啱啱好，肉有咬口，外皮够脆。而菜饭就一向都用开珍珠米，本人喜爱珍珠米多过泰国米多多声，菜又够多，$48都算系咁啦！之后仲叫多咗份红油抄手，望落似无害，一食落去又麻又辣，麻得嚟好爽，辣味好快就散，唔会辣到食唔到食物本身嘅味道，一碟有六粒（好似系），临尾整多碗酸辣汤，够晒味，料又够多！哩间三哥整体我觉得系大件夹抵食，住喺马鞍山未试过嘅朋友不妨去下，不过太迟去有机会要等好耐位，因为舖头唔大，同埋都真系好多人食。