永勝冰室 (北角） (已結業)

唔知大家有冇去過呢間冰室呢，呢間唔係普通嘅冰室而係馬會冰室😆成個環境充滿好多電視機俾你睇賽馬睇投注📺都幾有趣，同埋好闊落坐得好舒服，晏晝食飯就去咗試佢嘅下午茶都覺得幾唔錯價錢又合理，但留意番要18歲先入得⚠️♥ 仿鮑魚絲火腿通粉➕火腿炒蛋配丹麥包 $42通粉湯底清甜唔會太鹹，仿鮑魚絲火腿份量都足夠，但係我好討厭三色豆🤣炒蛋配牛油多士都好味😋另外餐有包一杯熱飲，但我就加咗$6飲永勝綠豆冰，呢度係用十字牌嘅鮮奶😍同埋我好鍾意食綠豆😍飲落好香濃嘅奶味又唔會好甜食到好飽😋