象月-泰式休閒餐廳 (已結業)

一班朋友食飯，大家都是大埔人，所以我就入去跟大家去食。我真是好少入呢區，今次在太和站跟朋友去食泰國菜，由火車站行去五分鐘就到，都好方便。生蝦刺身鮮甜，新鮮夠冷，肉質新鮮，一碟六件串燒拼盤，有囇豬牛雞，每樣都可以試下，好香而且都大串，沙爹汁好味。冬蔭公，泰菜必食之選，味道稍咸，不過好足料，有兩只大老虎蝦，和好多香料。炸蝦餅，比想像中大件厚肉，彈牙皮脆。軟殻蟹青芒果沙律，我最喜歡呢個，好fresh 酸酸地幾好味，軟殻蟹脆卜卜。咸魚炒珍珠椰菜苗，份量比較少，叫菜要多叫幾碟。總體令人滿意，朋友無介紹錯，讚啦！