小火焰韓式咖啡廳 (觀點中心) (已結業)

一直都聽講小火焰食韓國菜好出色今日先有機會去試啦！去到午市時間都見到人山人海，餐牌仲有兩大疊，仲有唔少套餐，揀食咩都揀咗半個鐘！我哋兩個人眼闊肚窄都叫咗唔少嘢食！由於想食自己想食嘅嘢所以我哋就單點咗午市套餐！天氣有少少熱就叫咗個魷魚水冷麵，配熱蜂蜜薑茶！再加韓式炸雞過一過口癮！佢最好就係可以單點一啲小食，啱晒我咩都想試但又食得唔多嘅人！水冷麵嘅魷魚超級香，有浸煙熏味，又爽又彈！而且超多面女仔食會好飽肚，上面有雪梨，蛋，紅蘿蔔等等，酸酸甜甜非常開胃。芝士夾餅嘅芝士味唔算太濃，比較啱淡口味少少嘅朋友！呢度嘅小食有炸雞粒、炸雞髀、炸雞翼！大家記得睇清楚先點！而且仲有好多唔同嘅口味，真係花多眼亂！我哋重點咗個醬油蝦、醬油鮑魚套餐，配埋兩個手握飯！醬油蝦非常大，而且好爽甜😍醬油味唔會好鹹但又好入味！相反我係第一次食醬油鮑魚，配埋青椒同飯一齊食，真係好好味！