班蘭葉印尼餐廳

印尼菜 可能唔係大家經常會想起會去食嘅餐， 今次都係因為咁啱身處銅鑼灣又想食臭豆 所以就搵到呢間「班蘭葉」。


門面比較唔顯眼，其實成日都經過佢門口， 但係無留意係 餐廳， 成日以為只係一間賣糕點雜貨嘅南亞小店，餐廳內亦都唔係好大，睇佢嘅裝潢同餐牌等都知道其實佢己經喺呢度一段時間， 真係有眼不識泰山喇。


講起印尼菜， 最多人熟悉嘅可能就係佢地嘅牛丸：白鬚（Bakso） 。 所以嚟到都第一時間叫個細白鬚先， 好彩叫左細， 佢地嘅份量都幾夠，連埋配菜等等如果唔太餓已經可以當一餐，

1

細白鬚牛丸湯

見到佢嘅沙嗲拼盤除左雞牛羊仲有白鱔串燒，白鱔完全無失望， 同埋佢個沙嗲做得好好， 好香好滑。

沙嗲拼盤

炸碎雞臭豆飯就真係不得了， 上枱嘅時候店員姐姐講左一句「好勁呀， 可以食咁辣」， 聽完之後呆左， 本身都無諗住係辣嘅， 事實， 係真係辣， 係有後勁果種辣， 慢慢build up 果隻， 炸雞上面果啲先係精華， 有椒有蒜有蝦乾等等， 好惹味好爽， 不過係真係堅辣

炸碎雞臭豆飯

珍多冰就正常發揮啦， 另外叫左個香茅可樂， 嚟到係一個冰底入面有枝香茅， 再加一罐可樂， 飲嘅時候， 係飲唔到香茅味嘅～！！

珍多冰

香茅可樂

呢間回頭率都高，都好想試埋佢其他野食會有咩驚喜～！