影片
更多
2018-04-25
157 浏览
前排家姐升職加人工，所以佢話講我食番餐好嘅報答下我~佢知我鐘意食蟹，搵咗間真係有蟹宴食嘅餐廳同我一齊慶祝chill下~依間day and nite喺旺角波鞋街附近，非常近地鐵站！就算我依啲喺港島放工過去嘅都好快好方便~Day and nite有好多唔同嘢食揀，好多都好吸引！不過家姐話依度有個限定蟹宴，而且我地特登為咗蟹宴而嚟，所以我地二話不說就order咗依個蟹宴！下次有機會要試下佢個龍蝦包！😋😋蟹宴頭盤係一個小食，係六個唔同嘅海鮮小食，包括有海鹽枝豆、 酸辣羅勒海蜆、柚子醋海藻沙律、虎蝦配芒果慕斯、蟹子日式凍豆腐、蟹肉玉子燒都算係創新口味，其中蟹肉玉子燒最好食！原本就帶生的玉子燒，配搭埋清甜的蟹肉，兩種甜美的配搭好岩口味！跟住就有個釀蟹蓋，嘩依個不得了！非常好食！蟹蓋上面鋪咗芝士，連埋蟹肉一齊烤焗，口感同味道都難以用文字去形容。雖然芝士酸咸，而蟹蓋鮮帶咸，但兩者配合得岩岩好。跟住就有個小邊爐，主要有海鮮同雜菜！海鮮當然有蟹，仲有蝦同蜆，每樣都夠新鮮！咁當然我最鐘意食就梗係蟹啦，有原隻蟹蓋連蟹膏，好好味！而啲雜菜份量都唔少，食到依度都開始飽飽地。最後仲有一個蟹粥，個粥底有唔少蟹肉，仲好
佢知我鐘意食蟹，搵咗間真係有蟹宴食嘅餐廳同我一齊慶祝chill下~
依間day and nite喺旺角波鞋街附近，非常近地鐵站！
就算我依啲喺港島放工過去嘅都好快好方便~
Day and nite有好多唔同嘢食揀，好多都好吸引！
不過家姐話依度有個限定蟹宴，而且我地特登為咗蟹宴而嚟，
所以我地二話不說就order咗依個蟹宴！下次有機會要試下佢個龍蝦包！😋😋
蟹宴頭盤係一個小食，係六個唔同嘅海鮮小食，
包括有海鹽枝豆、 酸辣羅勒海蜆、柚子醋海藻沙律、虎蝦配芒果慕斯、蟹子日式凍豆腐、蟹肉玉子燒
都算係創新口味，其中蟹肉玉子燒最好食！
原本就帶生的玉子燒，配搭埋清甜的蟹肉，
兩種甜美的配搭好岩口味！
跟住就有個釀蟹蓋，嘩依個不得了！非常好食！
蟹蓋上面鋪咗芝士，連埋蟹肉一齊烤焗，
口感同味道都難以用文字去形容。
雖然芝士酸咸，而蟹蓋鮮帶咸，
但兩者配合得岩岩好。
跟住就有個小邊爐，主要有海鮮同雜菜！
海鮮當然有蟹，仲有蝦同蜆，每樣都夠新鮮！
咁當然我最鐘意食就梗係蟹啦，有原隻蟹蓋連蟹膏，好好味！
而啲雜菜份量都唔少，食到依度都開始飽飽地。
最後仲有一個蟹粥，個粥底有唔少蟹肉，
仲好似有啲蛋白花同紫菜，好鮮味同有蟹味，
不過可能食到尾聲，覺得都飽飽地，所以都係家姐食多。
最後仲有個甜品，係軟雪糕，
不過因為我地都飽喇，所以就同waitress講要一杯比我地淺嚐就夠喇。
個軟雪糕味道幾特別，似係梳打味，下次有胃口可以一人一杯！
So far day and nite環境同食物都好正，我地見到除咗蟹宴，menu仲有好多好正嘅嘢食揀，下次等我再試下其他先！
张贴
