三哥廚房擔擔麵菜飯專門店

自從有一日女朋友發現左呢間上海舖，發覺唔貴又好食，我既晚飯好多時都係呢度過。
每次我都有叫雞絲粉皮，唔係話特別好食，但就覺得上海舖要食呢一味前菜。

雞絲粉皮

女朋友唔食正餐，叫左一個豬扒菜飯兩份食，加多個鎮江骨。

菜飯

呢個菜飯佢上次都話想食，今次終於食到，好滿意係珍珠米，仲好大碗，唔太油，加埋枱上既辣醬係超正。

豬扒

當然豬扒都好好食，女朋友鐘意食骨位，我負責食肉，好好味呀，一D都唔硬，又唔會好似台灣雞扒咁好多粉。

鎮江骨

鎮江骨好多汁，好冧又唔肥，我整完牙食呢個真係好GOOD