彭記食坊 (廟街)

都好耐冇寫食評喇😬
之前路過幾次見佢餐牌真係好充實多元化，所以今晚就嚟試一試。
先上枱嘅係香煎蘿蔔糕，絕對係色香味滿分之作，阿姐煎得好有心機😋👍🏻跟住係即蒸雞蛋生菜腸粉，口感味道亦都唔錯。然後係煎釀四寶，都好香口兼大件，但略嫌油膩咗啲。韮菜蒸餃正常，餃身都幾飽滿。炒麵就較為一般，麵身腍咗啲。腰果糊味道香濃，甜度適中，出面唔係咁多地方有得食。
整體都唔錯，可能新店所以人流唔係咁多，要多啲支持下，下次再試埋佢其他美食。✌🏻