Bove (已結業)

每次去葵涌廣場都好想試下. 但係每一次都好多人排隊就唯有放棄⋯可能今日早左去所以無咩人等. 終於有機會試下喇！ 俾完錢等左十五分鐘到就有得食喇！ 我叫左雙重芝士疏乎厘班戟而我個friend 就叫伯爵茶疏乎厘班戟. 講下我個雙重芝士先喇! 好香濃既蛋味, 口感好鬆軟, 一咬開入面既芝士流心...不得了!真係好吸引...然後講下個伯爵茶, 店員哥哥問我地淋醬要朱古力定蜜糖. 我地揀左蜜糖. 未擺入口已經好大陣茶味好香! 雖然口感比較實吾夠鬆軟但係食落去好濃郁既伯爵茶味！ 我個friend 本身都好伯爵茶就非常鐘意喇. 本身班戟吾係太甜加埋蜜糖就岩岩好！ 整體黎講真係幾好食❤️