大丈夫食堂 (已搬遷) 新店位置

聽朋友講呢條街就嚟拆，啲舖頭都未必保留到，然後佢推介咗呢一間隱世嘅吉列炸豬扒同天婦羅，話清拆前一定要嚟試下。嗰晚去到都好多人等位，足足等咗八個字先有位，鋪頭面積唔大，枱都唔係多，所以都預咗要等啲時間。我地分別叫左吉列豬扒定食、吞拿魚蓉丼、鰻魚丼定食同天婦羅定食。食物一上枱我哋都驚訝啊，原來份量咁多，沙律菜同埋飯仲可以任添。吉列豬扒媲美出面嗰啲出名嘅日系連鎖店，好有日本嘅味道，加上呢個價錢，簡直係cp值超高呀！！其他食物都好出色，特別係炸物呀！同埋啲魚生都好新鮮，下次嚟要叫個魚生丼嚟試下。