華記潮州滷水車仔麵

係因為朋友介紹先第一次食，地點都算方便，太子站行過去唔洗五分鐘，但係渣車就麻煩d，雖然門口都可以擺車，但係抄牌頻率極高，外賣可以渣下，堂食就食張牛肉乾仲貴過個餐。

次次一坐低就自動波三個餸「牛肚 腩肉 加個菜/肉」 我平時就會揀牛筋多，次次都呢幾款餸，主要係因為佢哋d肉好入味，隻隻都有鹵水味，特別係腩肉我覺得必食！

汁就一定係重口味，見我揀咩餸都知我重口味啦，佢個湯底如其名，真重口味得黎但係又好好味😋佢仲會問你會唔會加蔥或者芫茜，真係每星期都要食一次