素味謀麵

平時食拉麵食得多，全部都係豬骨湯底/海老湯底，用菇熬製做拉麵的湯底就第一次食！

無可能真係豬柳強拉麵配四菇濃湯底

今次叫左「無可能真係豬柳強拉麵」，配四菇濃湯底。如果事先唔知，呢塊豬柳強真係同真嘅豬柳強差唔多味🤣

如果鍾意肉嘅人，想嘗試下食素，呢個都係唔錯嘅入門推薦～

佢個湯底雖然無用到肉，但都非常濃郁，似係經長時間熬製，特別用心！真係飲到菇香味，令人想飲哂成碗湯佢。食完之後都唔覺得口乾，非常舒服，應該係無加味精而且真材實料煮出嚟～

整體來講，素食拉麵真係好難得，而且水準亦高，可以俾素食者更多選擇，希望小店可以撐住💛