福岡漢堡扒 (鴻威大廈)

营业中

休息中

之前喺韓國同埋日本都有食過自己燒嘅漢堡扒，終於喺香港都有得食啦😍😍套餐有分大中細，分別係粒「肉丸」嘅大細。作為食肉獸既我，一定係揀最大啦。除咗漢堡之外，跟餐仲會有泡菜等嘅配菜，同埋白飯。上菜嘅時候，店員會用個鐵板裝住舊全生嘅漢堡扒，同時都會有舊滾熱嘅鐵放喺側邊俾你燒熟佢。唔洗驚有太大嘅油煙味吸咗喺個身同頭髮度，因為佢有個抽煙系統對正舊鐵，基本上一出油煙就會即時吸走，啲油煙冇機會去到你度。首先，將舊生嘅漢堡扒分一小塊出嚟，然後放上滾熱嘅鐵道燒熟，可以自己控制生熟度，呢個係最吸引到我嘅地方。平時我都好少食白飯，但係呢個漢堡扒好多肉汁，送飯真係一流🤤雖然店內環境有啲擠擁，同埋空氣唔算好流通。但係我成日都會約朋友去，朋友個個都讚好。