更多
2020-10-23
1410 浏览
一向很受年青人欢迎的甜点店 HeSheEat 最近排出左几款新口味震腾腾舒芙蕾松饼，这天去尝鲜的时候，仲俾我发现原来咸食都有几款素食拣，个早午餐都有惊喜架。HeSheEat 在旺角白布街的店已经开业好多年，球场后面这一带都蛮多酒吧和打边炉，仲有几间咖啡店添，食完饭食甜品系正确选择。餐厅有两层，楼下座位比较少只有几台。楼上就坐到好多人，图中是其中一半座位，另外一边还有好几张台。虽然开业多年，但新菜式系层出不穷的，最近就有几款空气感十足的日式梳乎厘班戟，四个口味睇起来都唔错。如果食正餐的话，旺角店现在有买一送一优惠，都几抵食㖞。B04 Go Green Brunch HK$90餐牌上以肉食为主，唔食肉的话有一款意粉拣，另外仲俾我见到这个绿色全日早餐。一盘上面有蛋、薯仔沙律、牛油果蓉、番茄、大啡菇、菠菜、薯饼和迷你牛角包，牛角包仲有两只，食晒都几饱。当中最有惊喜系个薯仔沙律，食起来好香洋葱味。不过我觉得个牛油果蓉差咁d柠檬汁，可以再完美少少。士多啤梨焦糖脆脆梳乎厘班戟 HK$98吃这个班戟的时候好搞笑，因为佢有附一球芝士雪糕，上面又有块芝士脆片，连个酱都有少少芝士味，搞到我同朋友都以为自己睇
一向很受年青人欢迎的甜点店 HeSheEat 最近排出左几款新口味震腾腾舒芙蕾松饼，这天去尝鲜的时候，仲俾我发现原来咸食都有几款素食拣，个早午餐都有惊喜架。
HeSheEat 在旺角白布街的店已经开业好多年，球场后面这一带都蛮多酒吧和打边炉，仲有几间咖啡店添，食完饭食甜品系正确选择。
餐厅有两层，楼下座位比较少只有几台。
楼上就坐到好多人，图中是其中一半座位，另外一边还有好几张台。
虽然开业多年，但新菜式系层出不穷的，最近就有几款空气感十足的日式梳乎厘班戟，四个口味睇起来都唔错。如果食正餐的话，旺角店现在有买一送一优惠，都几抵食㖞。
B04 Go Green Brunch HK$90
餐牌上以肉食为主，唔食肉的话有一款意粉拣，另外仲俾我见到这个绿色全日早餐。一盘上面有蛋、薯仔沙律、牛油果蓉、番茄、大啡菇、菠菜、薯饼和迷你牛角包，牛角包仲有两只，食晒都几饱。当中最有惊喜系个薯仔沙律，食起来好香洋葱味。不过我觉得个牛油果蓉差咁d柠檬汁，可以再完美少少。
士多啤梨焦糖脆脆梳乎厘班戟 HK$98
吃这个班戟的时候好搞笑，因为佢有附一球芝士雪糕，上面又有块芝士脆片，连个酱都有少少芝士味，搞到我同朋友都以为自己睇漏左，不过个餐牌又真系无写有芝士㖞。我本身钟意食芝士就觉得几好食，最钟意咸甜咸甜的组合，吃起来不会太滞。
朱古力梳乎厘班戟(含橙酒) HK$88
梳乎厘班戟即叫即煎，要预算等三十分钟时间，建议一坐低就叫左先，可以边食住咸食下午茶边等。班戟上桌的时候震腾腾，够晒视觉效果，影完一轮相都保持到卖相无塌好多，食起来充满鸡蛋香，质素唔错。这款朱古力味无想像中浓，味道偏甜那边，橙的份量比预期中多。
食完饭总要食埋甜品先安乐，食梳乎厘班戟都几疗愈架，仲可以影相打卡添。
张贴
