影片
更多
2020-10-03
2327 浏览
Loving Hut 這個品牌吃素的人都一定認識，我之前在台灣和新加坡都有吃過，今次第一次在香港吃，食物中規中矩，勝在全部係純素而且價錢幾平。Loving Hut 在香港現有三間分店(根據oenrice資料)，這天來新蒲崗工作，見附近有分店有上去試試看。餐廳位於PORT 33商場一樓，一上扶手電梯就見到，原來成層都係食肆。這邊的食店面積都不大，看來以外賣為主，方便附近工作的人買回去吃。愛家店內設有幾個吧檯式座位，最多可以坐6個人。除了堂食之外，店內也有售賣很多素食產品、乾貨和日用品，方便素食者順便購物。餐牌分意粉、漢堡、墨西哥卷和炒麵幾個系列，全部都有套餐，漢堡套餐 HK$50 有找仲包湯和沙律，真係一個平價快餐選擇。另外有這款「荷包旦拌麵套餐」可以揀。甜品有兩款口味純素慕絲，想訂純素生日蛋糕也有提供。雖說是快餐食品，不過上菜速度唔算快，可能佢地無正式廚房而且得兩個人又好多外賣單。這天我早到早點餐都幾快有得食，之後開始人多就要等比較久。附送的餐湯係紅菜頭番茄湯，好香紅菜頭味，入面也有椰菜可以食下，都幾好飲。招牌叉燒漢堡 HK$48店內的餐點都以 Loving Hut 自家品牌的素肉為主
Loving Hut 這個品牌吃素的人都一定認識，我之前在台灣和新加坡都有吃過，今次第一次在香港吃，食物中規中矩，勝在全部係純素而且價錢幾平。
Loving Hut 在香港現有三間分店(根據oenrice資料)，這天來新蒲崗工作，見附近有分店有上去試試看。餐廳位於PORT 33商場一樓，一上扶手電梯就見到，原來成層都係食肆。
這邊的食店面積都不大，看來以外賣為主，方便附近工作的人買回去吃。愛家店內設有幾個吧檯式座位，最多可以坐6個人。
除了堂食之外，店內也有售賣很多素食產品、乾貨和日用品，方便素食者順便購物。
餐牌分意粉、漢堡、墨西哥卷和炒麵幾個系列，全部都有套餐，漢堡套餐 HK$50 有找仲包湯和沙律，真係一個平價快餐選擇。
另外有這款「荷包旦拌麵套餐」可以揀。
甜品有兩款口味純素慕絲，想訂純素生日蛋糕也有提供。
雖說是快餐食品，不過上菜速度唔算快，可能佢地無正式廚房而且得兩個人又好多外賣單。這天我早到早點餐都幾快有得食，之後開始人多就要等比較久。附送的餐湯係紅菜頭番茄湯，好香紅菜頭味，入面也有椰菜可以食下，都幾好飲。
招牌叉燒漢堡 HK$48
店內的餐點都以 Loving Hut 自家品牌的素肉為主角，我見佢寫招牌漢堡就試下。個漢堡包皮有烘過都幾香幾好食，不過包入面無醬食起來比較乾身。入面除了素叉燒，還有青瓜片和生菜，唔算好豐盛。舊素叉燒比較難咬開，所以無咩食漢堡的感覺，整體都唔算特別好食。
幾經辛苦切開的漢堡橫切面。
吃完順便逛逛雪櫃有甚麼買，純素雪糕、牛油、芝士和各種飲品之外，亦有一些大份量冷凍食品，我覺得 HK$48 /2.5KG 冷凍椰菜花和西蘭花好吸引喎！呢個價錢平時只係買到500g。
唔好以為新蒲崗工廠區就無素好食，原來都有幾間貼地的素食餐廳呢~食完 Loving Hut 可以行去 Nuttea 買杯堅果奶做甜品，真是完美的純素行程。
张贴
