影片
更多
2023-06-17
53 浏览
今晚同朋友喺上環收工，突然好想食日本嘢🇯🇵見到附近有間叫無敵家嘅居酒屋，可以靜靜地坐喺度傾偈，於是就入咗去。餐廳分兩層，樓上比較清靜，可以同朋友摸着酒杯底咁傾偈。前菜叫咗軟殼蟹牛油果沙律，上碟係原隻嘅軟殼蟹，好足料，牛油果嘅份量大約係4分一個，不過美中不足係個牛油果未夠熟，比較硬。黑松露三文魚炒飯好吸引，上面有滿滿嘅三文魚子，炒飯入邊仲有煙肉，而且粒粒分明，炒得夠乾身。清酒煮蜆係正常水準，啲蜆夠大隻而且冇沙，個湯有淡淡的白酒味，食完蜆之後我哋飲晒個湯🤣仲叫咗個五成熟嘅牛小排，一啲都唔韌，配埋芥末食啱啱好。黎到居酒屋點可以唔叫串燒呢？我哋叫咗荔枝燒豚肉，帆立貝，牛舌，同埋醬油燒飯團。個人覺得最出色係牛舌，加埋檸檬汁食，咬落去係爽口嘅感覺。醬油燒飯團好特別，個紫菜都仲脆，而個飯團就煙煙韌韌咁，配埋醬油啱啱好😋最後要講下焦糖燒菠蘿，我哋兩個人一人食咗一份，佢焦糖上到枱嘅時候燒得啱啱好，大家叫嘅話要記得即刻食，否則隔一陣個焦糖就會溶左。整體嚟講係出色嘅居酒屋，價錢合理，適合大家放工嚟同朋友慢慢坐😆
見到附近有間叫無敵家嘅居酒屋，可以靜靜地坐喺度傾偈，於是就入咗去。
餐廳分兩層，樓上比較清靜，可以同朋友摸着酒杯底咁傾偈。
前菜叫咗軟殼蟹牛油果沙律，上碟係原隻嘅軟殼蟹，好足料，牛油果嘅份量大約係4分一個，不過美中不足係個牛油果未夠熟，比較硬。
黑松露三文魚炒飯
53 浏览
0 赞好
0 留言
黑松露三文魚炒飯好吸引，上面有滿滿嘅三文魚子，炒飯入邊仲有煙肉，而且粒粒分明，炒得夠乾身。
清酒煮蜆係正常水準，啲蜆夠大隻而且冇沙，個湯有淡淡的白酒味，食完蜆之後我哋飲晒個湯🤣
仲叫咗個五成熟嘅牛小排，一啲都唔韌，配埋芥末食啱啱好。
黎到居酒屋點可以唔叫串燒呢？我哋叫咗荔枝燒豚肉，帆立貝，牛舌，同埋醬油燒飯團。個人覺得最出色係牛舌，加埋檸檬汁食，咬落去係爽口嘅感覺。
醬油燒飯團好特別，個紫菜都仲脆，而個飯團就煙煙韌韌咁，配埋醬油啱啱好😋
焦糖燒菠蘿
23 浏览
0 赞好
0 留言
最後要講下焦糖燒菠蘿，我哋兩個人一人食咗一份，佢焦糖上到枱嘅時候燒得啱啱好，大家叫嘅話要記得即刻食，否則隔一陣個焦糖就會溶左。
整體嚟講係出色嘅居酒屋，價錢合理，適合大家放工嚟同朋友慢慢坐😆
张贴
