冬陰功海鮮媽媽麵
湯底酸辣醒胃，椰香濃郁之餘仲有好重香茅同南薑香氣！海鮮落足料，大蝦、青口、魷魚樣樣鮮甜，媽媽麵索盡湯汁真係令人食到停唔到口！
泰式火山排骨
一上枱真係嘩一聲！排骨堆成火山咁高，肉質燉到超軟嫩，輕輕一撕就離骨。酸辣醬汁好開胃，仲有陣陣檸檬葉同香草清香，食落一啲都唔膩～
必食鹽燒鯽魚
外皮燒到金黃香脆，魚肉卻保持嫩滑多汁！點埋佢哋特製嘅酸辣醬，鮮味立即提升幾個層次，鍾意食魚嘅朋友一定唔可以錯過！
柚子鮮蝦沙律
新鮮柚子肉清甜多汁，配搭彈牙大蝦同脆口花生，酸酸甜甜嘅醬汁令人食到好開胃，正好平衡返其他濃味菜式！
芒果糯米飯
芒果香甜無渣，糯米飯蒸得軟硬適中，淋上濃濃椰漿再灑埋脆米，口感同味道都滿分！食完辣嘢嚟呢個真係一流～
餐廳環境舒服，服務又周到，絕對係同朋友聚餐嘅好地方！已經約定朋友下次再嚟encore～👏
