以前揀過一次濃湯，太鹹了，今次揀返普通，啱啱好，揀左硬麵，要晒兩款蔥，要左一份蒜(其實次次食都唔覺有)，揀左1/4辣(其實唔知有無)，加多左一個麵底就無要其他野了，事關食過一次隻蛋好熟有陰影唔敢食，而我覺得其他其實都係雞肋，加唔加都係咁，特別想講下個豆腐甜品，個人黎講覺得好似有輕輕芝麻味嘅糕，老實講三十蚊兩個加一包糖真係幾呃錢，不過想試下嘅朋友依然可以點
言歸正傳，一蘭個湯底有幾世界級相信大家試過就知，其實我想講下個麵，真係幾好食，直麵，食到"ship ship"聲再飲一啖湯，我覺得果下真係無懈可擊，至於叉燒，其實我覺得都係陪襯，始終主角係個湯底
有樣野想同大家講，如果你入去係打算飲晒個湯嘅，最好揀無咁肥膩，如果唔係 就會好似我依家咁屙住打食評
