燒烤併盤出色，但價錢少貴
返而呢個二百幾蚊既海鮮併盤酸酸辣辣，作為前菜佐酒抵食得多
鹽燒烏頭配啤酒，烏頭魚肉外脆內軟，淨係放檸檬青檸汁已經夠入味，唔夠既可加上酸辣醬又可以
菠蘿飯係推介，mojito大大杯都抵飲
燒羊架逐件計，$75一件，份量適中，香草入味，又適合同枱有人唔食羊都可以叫
總結，食物環境氣氛都好好，係地點不太就腳。
另外，個人覺得服務態度就爭少少，我地當日四人坐一枱，因為下午買左兩袋大環保袋既食物想放係一張櫈上面，所以禮貌地請服務生加一張櫈，但個服務生搵都無搵就答我地無，當時六點正周圍枱都無人坐，最後我地再強調唔想將食物放落地，佢先拎隔離張櫈俾我地。而其他服務生就當客人每食完一樣菜就收碟，有趕客感覺。
