仲要喺銅鑼灣😎
啤酒Sapporo全日一買一送一，
串燒竟然可以多達百幾款，
咁正嘅地方就係成日聽人講嘅「燒烤堂」嘞❣️
今晚隔離枱仲坐咗pair日本人，
搞到有少少覺得自己去咗日本🤣
呢度嘅串燒竟然細緻到
分成日、韓、港、川、疆式，
可以按照返自己嘅口味，
選擇日式嘅汁燒，抑或又辣又麻嘅川式等等🤤
我地2個食咗廿幾串，
當中有啲太好食仲要encore，
例如蠔、雞皮、尖椒皮蛋豆皮、牛白肉及北寄貝等 👍🏻
蒜蓉燒廣島蠔 ⭐️⭐️⭐️⭐️⭐️
每次食串燒都必點蠔，
廣島蠔大大隻而且好新鮮喎🦪
蒜蓉調味剛剛好唔會好鹹，
我自己就鍾意落多少少辣椒粉，
又辣又惹味認真唔錯🥳
鹽燒原塊雞皮 ⭐️⭐️⭐️⭐️⭐️
Encore Encore‼️
平時食雞皮只有細細舊，
呢度竟然係成部電話咁大塊嘅雞皮🫣
雞皮炸到乾身唔會油，
咬落去係超級脆卜卜，
我下次再嚟都會係衝住呢塊皮🤭
尖椒皮蛋豆皮 ⭐️⭐️⭐️⭐️⭐️
餐廳十大人氣必食，
見到餐牌有個👍🏻就一定要點，
用豆皮夾住尖椒皮蛋勁特別，
濃濃嘅皮蛋味加少少辣嘅尖椒，
好食呀我鍾意🤤
麻辣豚肉芫荽卷 ⭐️⭐️⭐️⭐️⭐️
喂呀芫荽控一定要叫！
一大扎芫荽用豚肉片包住，
濃濃嘅「荽」味真係令人欲罷不能，
我無喺第二度見過呢款串燒，
唔鍾意芫荽嘅sorry，
我會逼你睇住我食😎
焦糖鰻魚芝士玉子燒 ⭐️⭐️⭐️⭐️⭐️
百幾款串燒當中少數甜串燒！
厚切嘅玉子燒夾住鰻魚已經無得輸，
加埋用焦糖點綴更加香甜，
我自己自私食晒成串🤭
檸蜜牛油包 ⭐️⭐️⭐️⭐️⭐️
呢個係我嘅甜品🤤
個包燒到脆卜卜，
大量檸蜜醬加埋舊厚切牛油，
酸酸甜甜女仔一定鍾意，
作為一餐飯嘅完結好perfect 🩷
1
