影片
更多
2021-02-18
1431 浏览
近年 Bagel貝果 在香港成為熱門食物，好多人由完全唔知它是甚麼到好鍾意食(又或者都未知它是甚麼就鍾意話自己鍾意食XD)。旺角最近開左一間專門吃Bagel 的小Cafe，品牌本身係 IG小店賣花花蛋糕，亦有定期開團賣手工貝果，低溫發酵自家製餡料，最出名好似係麻糬餡，來實體店吃就最方便了。小店位於旺角豉油街，朗豪坊後面少少，交通都幾方便。隔離左右完全無其他文青Cafe，都係舊區街坊老店，氛圍幾有趣架。Cafe 早上十時開始營養，在區內算開得早，這天來吃早餐，準時第一個踏進店內，我見門口已經有兩個妹子在等(唔知點解唔行入去XD)。因為品牌都叫「404」，所以有人會將這間同上環那間溝亂，兩者其實完全沒有關係，應該純粹撞名，唔好搞錯呀~上環 | 404 Plant：純素貝果小店 有鹹有甜口味創新 飲CBD植物奶咖啡/純素奶昔 Cafe入面裝修簡單，總共只有十個座位，平日上午都唔難搵位既。要留意窗邊張長檯唔係太穩陣，唔好用來借力，我覺得佢地應該搞搞佢加固一下，唔係好容易咖啡杯都企不穩。風格都係文青小青新風啦，編織椅有少少波希米亞感，抓對角度影相都幾有feel。望窗吧檯位向住旺角街頭，朝早
近年 Bagel貝果 在香港成為熱門食物，好多人由完全唔知它是甚麼到好鍾意食(又或者都未知它是甚麼就鍾意話自己鍾意食XD)。旺角最近開左一間專門吃Bagel 的小Cafe，品牌本身係 IG小店賣花花蛋糕，亦有定期開團賣手工貝果，低溫發酵自家製餡料，最出名好似係麻糬餡，來實體店吃就最方便了。
小店位於旺角豉油街，朗豪坊後面少少，交通都幾方便。隔離左右完全無其他文青Cafe，都係舊區街坊老店，氛圍幾有趣架。Cafe 早上十時開始營養，在區內算開得早，這天來吃早餐，準時第一個踏進店內，我見門口已經有兩個妹子在等(唔知點解唔行入去XD)。
因為品牌都叫「404」，所以有人會將這間同上環那間溝亂，兩者其實完全沒有關係，應該純粹撞名，唔好搞錯呀~
上環 | 404 Plant：純素貝果小店 有鹹有甜口味創新 飲CBD植物奶咖啡/純素奶昔
Cafe入面裝修簡單，總共只有十個座位，平日上午都唔難搵位既。要留意窗邊張長檯唔係太穩陣，唔好用來借力，我覺得佢地應該搞搞佢加固一下，唔係好容易咖啡杯都企不穩。
風格都係文青小青新風啦，編織椅有少少波希米亞感，抓對角度影相都幾有feel。
望窗吧檯位向住旺角街頭，朝早坐這裡都幾悠閒，對面棟彩色舊樓幾靚，仲可以望住對面茶餐廳拜神。
玻璃櫃入面係最出名的兩款甜品：Tiramisu 和 Basque Burnt Cheesecake，芝士蛋糕有原味和Rum酒味。
店內提供的貝果每天不同，這天有黑芝麻麻糬和朱古力花生醬，我諗都無諗就揀左朱古力花生醬，唔記得麻糬先係招牌，哈哈。飲品有咖啡有朱古力有抹茶焙茶，轉植物奶有豆奶和夏威夷果仁奶，都係加HK$5。
朱古力花生醬貝果 HK$38 / Latte HK$38
貝果有烤熱再上來，外面係香脆，中間餡料都幾多，不過咬起來都幾累，我仲以為個餡會軟心少少添。
咖啡帶堅果香，配貝果都幾好味。
想在旺角區悠閒舒服食個輕食早餐，可以先bookmark這間小店，喜愛甜食的話就記得食Tiramisu啦。
张贴
