皇玥 (已結業)

大埔新開左一間精品級嘅餅食店，門面非常華麗，入到去見到好多七彩顏色嘅禮盒！送禮嘅時候又可以多一個選擇～見到呢隻比較小巧嘅禮合，有好多唔同口味，而且咁啱做緊promotion，四送一，試過好食就可以大手購入，中秋送禮啦！另外，呢個都一樣做緊四送一嘅promotion！大盒少少，而且非常欣賞佢嘅特別口味！先講伯爵茶蛋卷，包裝非常精美，除咗獨立包裝之外，有一個透明嘅cover，係確保蛋卷唔容易碎，事實證明佢做得非常成功！一個獨立包裝有三條蛋捲，以零食嚟講，呢個份量啱啱好，由於獨立包裝，令到佢保持鬆脆！以厚度嚟講，係恰到好處！口味方面，唔會死甜！有陣陣茶香！芝士簿脆都係獨立包裝！非常精美！打開之後見到圓形一塊塊非常工整嘅簿脆，非常之輕薄，口感亦都非常之酥脆，食到最後，有啲溶嘅感覺！而芝士味亦都非常香濃！好味道！今年嘅中秋節禮盒有著落啦！趁佢仲做promotion去大手購入先！