十三少 (已結業)

今日同朋友突然想食下川菜館，知香港仔有間十三少酸菜魚，去食下啦。一入到去，光線好好，而且播住的90後流行音樂，感覺係的新派川菜。坐低後，見到筷子托係粒花生都幾得意。因為朋友唔係好食魚，加上得2個人，怕食唔晒，今次就無叫酸菜魚。首先先黎前菜，今次叫左我最鐘意的涼伴土豆絲同蒜泥青瓜。個人黎講，好鐘意食呢的涼菜，今次呢度都整得十分出色，涼伴土豆絲食落都好爽，而且個調味亦做得好好，份量都比我想像大。手拍青瓜亦相當唔錯，另今次仲叫左辣子雞軟骨同乾扁四季豆，2樣都非常好食，特別個辣子雞軟骨，本身雞軟骨已經爆到好香，加上佢花椒，八角好香，食落唔算好辣但麻香味好重，食下食下好快食完。乾扁四季豆同樣出色，撈飯真一流，下次多人d食下個酸菜魚先。