果然冰室 (香港仔大道) (已結業)

放假出嚟香港仔閒逛，終於食到Let's Jam。餐廳主打各類手工果醬，其九宮格多士更係賣相同味道都非常吸引，之前食過番尋味。今日有啲肚餓，決定試下飽肚啲既下午茶餐。香滑炒蛋+牛油多士炒蛋好嫩滑，上面仲有少少蛋漿。多士則烘得爽脆，中間塗滿牛油。沙嗲牛肉通粉麵底可轉公仔麵、通粉或米粉。個湯略嫌多得滯，浸到連牛肉都睇唔到 lol 不過沙嗲牛肉都幾好食，份量多而且好大片。整體來說，食物唔錯，餐廳大得嚟亦坐得好舒服。唯餐牌就設計得簡單左啲，好似就咁用個word打個目錄出嚟，欠圖文並茂，亦突出唔到餐廳既招牌菜式，再加上因大廈維修門口長期搭左棚架，遮住左個招牌，想吸引途人停低諗下入唔入嚟食，似乎食物介紹方面要下更多功夫。