喫茶舍 (麗新商業中心)

午餐後特登行咗去「喫茶舍」買杯茶歎吓 🍃。之前一直都係天后分店嘅忠實粉絲，最愛佢哋嘅檸檬愛玉烏龍 🍋，今日竟然俾我發現荔枝角分店有$31手打香水檸檬茶，仲要係烏龍茶底，真係眼前一亮！


我問咗店長阿金會唔會好酸，佢好貼心咁建議我揀「少甜少冰」🧊，結果真係啱晒我口味 - 茶底清香，檸檬味鮮明但唔會搶味，飲落去酸甜平衡，口感清爽，令人一試難忘 ✨。等下次冇咁飽，好想試新推出嘅開心果飲品🤤


下星期返工又可以再買，諗起都開心 😄。有時一杯好茶，真係可以令人嘅心情靜靜地好返晒。


真係唔講唔知！喫茶舍而家已經開到有6間分店，遍佈港九新界，人氣真係唔少 😲🧋

香水檸檬茶

$31