影片
更多
2022-01-05
45 浏览
與別不同的金黃貝汁拉麵😋今晚又去食拉麵。不過食既並唔係豬骨味噌呢d湯底，而係從來都冇食過既貝汁拉麵。唔係大路既果幾款湯底既拉麵，我都係食過一兩次，喺香港就更加少見，所以我對今晚呢餐都幾期待。拉麵店喺尖沙咀，喺Sheraton後面，對正K出口。地方乾淨企理，裝修有型格，深色底配拉麵店既店名金色。拉麵既好似選擇有四款，除左兩款貝汁，仲有兩款豚骨湯拉麵。小食既選擇反而唔少，而且除左餃子、炸雞呢d，仲有唔少特別既小食，都幾吸引。拉麵我地當然揀左兩款貝汁湯底黎試下。至於小食，我地揀左野生銀鱈魚醬油燒同埋用九州走地雞肉既炸雞，唐揚博多華味鳥。仲有兩杯果茶，白桃同蘋果焙茶。果茶先黎。睇落比較清果杯係蘋果焙茶，有清甜蘋果味同陣陣既蘋果香。酸甜既蘋果味冇搶到焙茶既茶味，清甜過後係焙茶既回甘。相比蘋果焙茶，白桃焙茶既果味就濃d，桃味夠濃，酸甜又解渴。跟住係小食。炸雞先黎，炸雞同平時既炸雞唔同，唔係炸到啡色面頭脆卜卜果種日式炸雞，反而有d日式炸魚，龍田揚果種。雖然外皮一樣脆口，但口感唔同，冇咁拮口雞肉亦都同平時既炸雞唔同，嫩滑既雞肉明顯比普通雞肉更有咬口，更加食到個肉質係唔同。而且雞肉除左嫩滑，都肉汁豐溢，
今晚又去食拉麵。不過食既並唔係豬骨味噌呢d湯底，而係從來都冇食過既貝汁拉麵。唔係大路既果幾款湯底既拉麵，我都係食過一兩次，喺香港就更加少見，所以我對今晚呢餐都幾期待。
拉麵店喺尖沙咀，喺Sheraton後面，對正K出口。地方乾淨企理，裝修有型格，深色底配拉麵店既店名金色。
拉麵既好似選擇有四款，除左兩款貝汁，仲有兩款豚骨湯拉麵。小食既選擇反而唔少，而且除左餃子、炸雞呢d，仲有唔少特別既小食，都幾吸引。
拉麵我地當然揀左兩款貝汁湯底黎試下。至於小食，我地揀左野生銀鱈魚醬油燒同埋用九州走地雞肉既炸雞，唐揚博多華味鳥。仲有兩杯果茶，白桃同蘋果焙茶。
果茶先黎。睇落比較清果杯係蘋果焙茶，有清甜蘋果味同陣陣既蘋果香。酸甜既蘋果味冇搶到焙茶既茶味，清甜過後係焙茶既回甘。相比蘋果焙茶，白桃焙茶既果味就濃d，桃味夠濃，酸甜又解渴。
跟住係小食。炸雞先黎，炸雞同平時既炸雞唔同，唔係炸到啡色面頭脆卜卜果種日式炸雞，反而有d日式炸魚，龍田揚果種。雖然外皮一樣脆口，但口感唔同，冇咁拮口
雞肉亦都同平時既炸雞唔同，嫩滑既雞肉明顯比普通雞肉更有咬口，更加食到個肉質係唔同。而且雞肉除左嫩滑，都肉汁豐溢，用筷子大力少少夾就睇到肉汁要流出黎。呢份炸雞有驚喜，確實唔錯。
跟住係銀鱈魚。銀鱈魚既份量同預期既差唔多，會叫黎試主要係因為佢話佢地既銀鱈魚係野生。銀鱈魚皮燒到酥脆，唔止冇食到腥味，仲帶焦香。魚肉燒到岩岩好，而且確實食到比平時食既銀鱈魚更濃魚味，而且個魚味都有d唔同。除左香味，魚柳既肉質嫩滑得黎都更加實淨，係夾到一片片既魚肉，完全唔會散開。魚柳既肉汁亦都好多，食完塊魚，接近成個碟都有肉汁喺度。炸雞有驚喜，燒銀鱈肉更加係驚艷。
跟住輪到主角出場。貝汁醬油拉麵，湯底清清地有金黃色，醬油色唔算好濃。先聞一聞，除左有湯底既貝汁海鮮香，主要係聞到面頭既牛肝菌、黑松露同香蔥既香料同醬香味。側邊畢啖湯黎飲，即刻飲到海鮮魚貝既湯頭同埋個貝汁既味道。醬油味有但唔算勁，可能怕醬油既濃味會搶左魚貝主角鏡。不過都營造到幾種湯底混合一齊，有層次既湯頭既味道。呢個湯底加幼身麵，再配上店家揀既菌類香油同醬，令到成碗拉麵既味道更加獨特同豐富。
貝汁鹽味拉麵既湯底比較金黃。鹽味湯少左醬油既大豆香，不過同海鮮類既湯底配合得更好。湯底都係有濃而不膩既魚貝味道
可能店家係想碗拉麵有fusion菜既感覺，除左白松露油同牛肝菌醬，拉麵面頭仲有三款香草同煙肉碎呢d西洋風既配料
除左湯底同拉麵，叉燒 都有兩款，三層肉入口即化，低溫叉燒既肉質偏瘦，但唔會柴，而且肉味都比平時食既拉麵叉燒強。
兩款味道獨特又豐富既拉麵，份量唔及粗身沾麵咁犀利。但幼身麵配上咸香而清爽又唔會膩既湯底，飲多幾啖湯，一樣食得好滿足。
拉麵店黎講，佢地既小食做得相當唔錯。無論食材同煮法都幾出色。拉麵就係正如標題所論，係與別不同。鐘意拉麵既人，可以探索下新既湯底，唔止係局限喺豚骨、醬油、鹽同味噌做主角既拉麵。正如日本都已經有唔少別樹一幟既拉麵，香港都可以有更多唔同風格既拉麵俾大家試下。
张贴
