爆汗串串 (已結業)

今次同兩個鍾意食辣既朋友嚟到爆汗串串試下呢隻香港冇既串串(同鋪頭既人傾計，佢地話原來香港一直得火鍋串串，但冇呢種，所以佢地專登上成都學)。我就唔食內臟既，但朋友好鍾意食肥腸，見到即刻話要嗌肥腸因為覺得有麵到肚先會飽，所以我地三個人嗌左2碗麵加30串成都串串香。麵就嗌左爆汗肥腸麵(轉左紅薯粉)同蕃茄牛肉麵。我哋比較喜歡食麵個質感，但蕃茄牛肉麵個番茄偏酸。麵食真係好抵食，都唔洗40蚊。麵加串串香share食唔驚淨食串串香唔飽肚👻。總共嗌左30串共10款既串串。我地冇選擇到辣度既會係中辣，岩岩好岩我地三個既口味。雞軟骨，牛肉，肥腸，豆腐乾，蓮藕，黑木耳，雞腎，秀珍菇，厚百頁，五花肉。我個人黎講好鍾意秀珍菇同蓮藕，吸埋啲辣味，正呀！飲品上，唔飲酒嘅朋友叫咗酸梅湯，佢話酸梅湯唔係唔陣人造味，佢一口氣飲左2枝。我同朋友們一致裁定會再嚟！