老虎堂黑糖專売 (已結業)

仲记得老虎堂啱啱喺铜锣湾开嘅时候条人龙长过万里长城，心郁郁想试，但我实在系懒得排队一直冇试。但前排行太安楼发现老虎堂开咗，仲要唔驶点排梗系即刻叫返杯饮下啦！睇个Menu见到虎虎生风厚鲜奶系大细珍珠都齐，啱哂心多多咩都想试下嘅我，就拣咗佢。由于冇乜人嘅关系，杯嘢饮好快就整好，就咁望落黑糖嘅比例的确好高，摇完个杯后成杯嘢系呈现令人唾唌欲滴嘅焦糖啡色。第一啖饮落去系觉得好饮嘅，奶香味同黑糖味捞埋一齐系好夹，两种珍珠亦令你每饮一啖都会有唔同嘅口感。饮完第一杯嘅感觉系觉得 “咦？又几好饮㖞，可以再饮。” 但当我第二次去铜锣湾饮嘅时候就觉得无咁好饮，简单嚟讲就系我个人认为唔襟饮，系一样好快就会饮厌嘅饮品。