影片
更多
2020-07-15
170 浏览
世界各國都有真實或傳説中既鬼怪，其中以日本種類最多，日本好多漫畫或書都以鬼怪為題材，我最喜歡既漫畫正正係以鬼怪為題材既犬夜叉，小時候曾經不眠不休咁追看漫畫，內容非常引人入勝。最近香港新開左一間以鬼怪為主題嘅日式放題餐廳，對我而言有一定吸引度，所以今日我化身餓鬼同燒鬼決戰😈有別一般放題店明亮光鮮既裝潢，餐廳走暗黑風格，以紅黑色為主調，加上油畫同布簾，營造出一個陰森恐怖嘅環境，令感觀上有著不一樣既體驗。燒鬼專門研製三款燒肉醬汁，包括紅酒燒汁醬、辣味噌醬同蔥油醬。自己最愛蔥油醬，味道會更重一點。- 泡菜豆腐泡菜同豆腐既配搭喺韓國食物經常出現，不過今次係日本菜都見到，而且係凍食，濃味既泡菜嫩滑既豆腐，清新之餘仲幾開胃。- 吞拿魚他他鍋巴上面放滿吞拿魚蓉，加上三文魚籽作點綴，味道鮮甜兼脆口。🐟🐟刺身🐟🐟雖然燒鬼以和牛為主角，但配角例如刺身完全唔失禮，三文魚同鰹魚不過不失，反而以下呢兩款刺身有驚喜🤩- 帶子肉身幾厚，比起一般放題更新鮮，完全無雪味，而且味道非常甘甜。- 榮螺片山葵漬呢個正啊😍，爽口既螺片加上辛辣山葵，充滿刺激感。🦞🦞海鮮🦞🦞對我而言，海鮮並唔係我既重點，所以只係叫左兩至三款。- 廣
有別一般放題店明亮光鮮既裝潢，餐廳走暗黑風格，以紅黑色為主調，加上油畫同布簾，營造出一個陰森恐怖嘅環境，令感觀上有著不一樣既體驗。
燒鬼專門研製三款燒肉醬汁，包括紅酒燒汁醬、辣味噌醬同蔥油醬。自己最愛蔥油醬，味道會更重一點。
- 泡菜豆腐
泡菜同豆腐既配搭喺韓國食物經常出現，不過今次係日本菜都見到，而且係凍食，濃味既泡菜嫩滑既豆腐，清新之餘仲幾開胃。
- 吞拿魚他他
鍋巴上面放滿吞拿魚蓉，加上三文魚籽作點綴，味道鮮甜兼脆口。
🐟🐟刺身🐟🐟
雖然燒鬼以和牛為主角，但配角例如刺身完全唔失禮，三文魚同鰹魚不過不失，反而以下呢兩款刺身有驚喜🤩
- 帶子
肉身幾厚，比起一般放題更新鮮，完全無雪味，而且味道非常甘甜。
- 榮螺片山葵漬
呢個正啊😍，爽口既螺片加上辛辣山葵，充滿刺激感。
🦞🦞海鮮🦞🦞
對我而言，海鮮並唔係我既重點，所以只係叫左兩至三款。
- 廣島蠔
本身已經夠肥美加左香蒜牛油一齊燒，食落更加creamy😋
- 扇貝
扇貝唔算肥美，不過夠鮮甜。
🍣🍣壽司🍣🍣
燒鬼有幾款比較特別既壽司，同刺身一樣充滿驚喜。
- 柚子醬油和牛壽司
和牛用醬油醃左，味道濃烈但牛味被蓋過，不過油脂幾豐盛。
- 明太子醬炙燒帶子壽司
燒鬼既帶子真係好新鮮，鹹香十足既明太子醬更提升帶子既鮮味。
🐂🐂牛鬼拼盤🐂🐂
牛鬼拼盤集八個部位於一身，包括內側腹肉、胸三角、上小排肉、中腹肉、胸腹肉、前胸肉、上肩肉同腹脅。和牛不愧為和牛，上小排肉油脂非常豐富，有少少入口即化既囗感。至於上肩肉或前胸肉等部位比較瘦，但肉味濃郁，口感幾柔軟
- 三文魚茶漬飯
估唔到放題有茶漬飯😯，茶漬飯偏向粥嘅口感，三文魚既味道融入左湯入面，味道清清甜甜，而且非常飽肚。
🍦🍦甜品🍦🍦
放題例牌都有甜品，燒鬼提供朱古力雪糕同和菓子兩款，朱古力似係自家製，入面有一粒粒朱古力。
燒鬼應該係我食過最出色嘅日式放題，無論前菜、壽司、刺身、和牛、甚至甜品都高人一等。裝潢亦充滿特色。我呢個餓鬼真係輸得五體投地🙇🏻♂️
张贴
