盈記四季養生麵館

营业中

休息中

今日下午過灣仔處理啲文件，放工約咗朋友附近食飯，諗起之前食過嘅養生麵，位於灣仔駱克道《盈記四季養生麵館》麵嘅湯底好特別。藥膳雞湯有多種功效，補氣益血、健脾益肺，更可以改善心腦血管疾病，當中加入桃膠、山藥、竹笙等多種營養食材烹煮，有助抗皺去斑、潤腸養腸，最開心有美容功效。藥膳農場雞山藥養生湯(米線)~藥膳湯底好香紅棗桃膠味，少少甜甜地嘅感覺，雞件好滑。蕃茄湯採用新鮮車厘茄及大紅蕃茄製成，功效當然包括抗氧化，仲有抗發炎的效果，還可以預防年老性黃斑病變和其他眼疾。鮮茄墨魚春卷湯(米粉)~鮮茄湯底好鮮甜，少少酸咪咪感覺好醒胃，墨魚春卷彈牙爽口。藥膳上湯自家製水餃~藥膳湯底配豬肉水餃都好夾。凍檸樂~天氣開始熱啦，最啱飲呢個。呢度嘅碗好有中國傳統特色。