撈喜 (已結業)

今日放工落咗筲箕灣睇完戲 就去咗東大街搵食發現到有一間專食花膠鮑魚撈麵嘅撈喜.入面座位唔會太迫坐得都舒服!打開menu之後最震撼嘅畫面終於出現一個包燉湯/小食/花膠撈麵仲有碟菜嘅撈喜豪華餐都係$148 點都要試下啦花膠燉雞湯打開蓋見到入面真係有花膠㗎仲有雞腳豬肉同雞肉~味道有啲藥材味感覺好補身好好飲!麻辣雲耳比較健康嘅開胃小食麻香味重唔會話好辣麻辣海參撈蝦子粗麵主角出場!食開嘅海參鮑魚好少見到廚師會用到麻辣所以見到咁特別就試吓!首先講材料先~海參肥厚帶爽口麻辣汁嘅味滲晒入去好野味.再加埋個蝦子撈粗成個餐其實好夠飽!灼田園清蔬平時出面食飯都好少會叫菜食今次跟餐就包埋仲要大大碟感覺自己好似健康咗冰震鮑魚加28蚊就有鮑魚好彈牙都幾入味,雖然28蚊但係好有水準!平時食到味精我都會好口渴,但呢餐飯我冇呢種感覺.價錢又平下次可以再嚟試埋個花膠撈麵。