西塘花記 (已結業)

個人本身好鍾意食水餃，上網見到呢間水餃店主打彩一嘅水餃，從來都未見過，就決定嚟試吓~餐廳裝修好靚，以簡單色調為主，有花朵做裝飾，幾切合佢哋店嘅主題。店內亦都播住佢哋水餃製作嘅片段，牆身仲投影咗一啲字句，感覺好治癒~餐牌見到有好多款水餃可以揀，樣樣都幾想食所以就叫咗招牌五福水餃同埋雨花石水餃，希望可以食晒咁多隻味~招牌五福水餃顏色好靚，佢哋嘅水餃不含人造色素，啲顏色都係由蔬菜提煉出嚟，食落都冇咁擔心~每隻顏色都代表唔同味道，白色係魚肉，第一次食魚肉水餃，味道小辣，有醒胃嘅感覺。紅色係牛肉，同平時用豬肉做餡嘅水餃有啲唔同，感覺新鮮。黃色係冬菇豬肉餃，有香菇嘅味道，配埋豬肉好夾，而且薄薄嘅皮包住滿滿嘅餡食落感覺好滿足~黑色係我最鍾意嘅味道，海三鮮水餃，入面有蟹肉，元貝同埋鮮蝦，超足料，啖啖肉而且夠鮮味~綠色食到韭菜鮮蝦水餃，有原隻鮮蝦，蝦肉彈牙，配埋韭菜食好夾~仲叫咗雨花石水餃，彩虹色嘅餃子皮好吸睛，第一次見水餃咁色彩斑斕，令人胃口大開~入面都係包住滿滿嘅馬蹄豬肉餡，馬蹄夠爽脆，一次過食到清爽同埋新鮮嘅豬肉味道~而且一咬落去仲有肉汁流出黎，非常juicy🤤個人比較鍾意點咪佢哋自家製嘅蒜蓉醬，