玉玲瓏京川滬菜館 (已結業)

假期起身已中午，本來諗住去美心皇宮飲茶，點知要等成百幾二百張枱喺停車場又泊咗車又肚餓下，只好random 揾間嘢食下。行下行下見到呢間有茶飲又無人等位喎，見佢又有卡位坐，於是入去試下。本來都無乜期望，但啲點心真係太～～～難食！只有食評沒有相。1）腐皮卷：好難食，好油，個皮唔單止完全唔脆，仲要係又硬又靱。好肚餓但我都頂唔住，食咗兩啖 bye bye...2) 潮洲粉果：oh my god! 佢個皮一夾好似鼻涕一pat pat 咁。Mr. A 好肚餓，所以食咗一舊，佢都話唔好食，我更加完全放棄了...3) 油菜芥蘭：一放低就知出事，啲菜全是黃黃地。平時喺麵檔嗰啲綠油油好靚架嘛，我自己煮都唔會咁嘅色。唉，食落去當然係好老呀啲芥蘭又腍哂4）芋頭糕：好油同質地好怪，無乜芋頭肉，成塊只有啲粉開嗰啲糕膠咁，oh no！我試咗四分一塊放棄了5） 小籠包：終於有樣嘢正常味道。總結：可能主打唔係點心，千萬唔好飲茶呀！我都知今餐變咗大嘥鬼，所以為免再有下次，我唔會再來了