見佢主打幾款嘅中式湯水
覺得幾吸引 於是晚飯時間去試
望吓個價錢都覺得幾抵 $56
比午市貴大概$5
有十幾款嘢食可以揀
六款湯水 揀咗胡椒豬肚湯 配米粉
雖然睇落去係細細個瓦煲仔
但裏面嘅雞肉同埋豬肚都好足料
雞肉有雞味 幾滑
豬肚切得比較細 有六至七件
個湯好香 胡椒味比較濃
怕辣嘅未必食到 會再食
另外叫咗鹹蛋肉餅飯$52
男人食可能只係剛剛好
冇乜特別驚喜
叫咗半份醉豬手$28
我覺得佢唔夠林 不過有人覺得佢有咬口
另外加$10叫咗豬膶湯
都有幾片豬潤 另外就係好多薑
我唔食豬潤 但有人覺得幾好食
仲可以配飲品 我個人幾喜歡柑桔話梅蜜
難得呢度有 嗌左杯
覺得話梅味都幾濃 仲凍既 好正
薏米檸檬水又係冇咩特別
都有薏米味 唔太甜
唯一嘅問題就係座位一般
不過咁樣嘅食物性價比都幾高
