燒肉臻 (已結業)

新年的開年飯當然要食好D啦，今次就來到這間食日式燒肉的餐廳!餐廳座位都幾多，而且係餐廳中間位置還有個清酒機，中意飲酒的朋友一定會吸引住!90分鐘任飲，我同朋友都好中意飲清酒，而餐廳就可以用$198任飲多款不同清酒，另外亦有水果茶、汽水等可以任飲!清酒方面，餐廳內有一個清酒機，大概有18款清酒，先用手機登記做會員，再利用app內的QR Code就可以係自己心儀的清酒果度掃瞄QR Code，再按掣就會有清酒倒出!而我自己就比較喜歡一酌一景，飲落爽身，用黎跟燒肉一齊飲，味道帶甜!日本和牛牛頸脊，這款薄薄一大片的牛肉，油花分佈較密，牛肉肉質鬆軟，有種入口即溶的感覺，味道濃郁!豚肉卷(泡菜)，用上豚肉片包住泡菜，泡菜味道酸酸辣辣，能夠中和豚肉的油膩感!炭火雞，雞肉由師博在炭爐上面燒，雞肉好有炭香味而且肉質好嫩滑，好有在日本當地食炭火雞的感覺!活帆立貝，帆立貝非常大隻，用上蒜蓉牛油燒，帆立貝燒到剛剛好，肉質鮮甜，仲有裙邊煙煙韌韌，十分美味!鹽燒三文魚扒，三文魚扒大大塊，魚肉鮮甜嫩滑，魚皮燒到脆身，味道咸香，加入檸檬汁食更能帶出鮮味！