愛甜心甜品 (已結業)

我係附近返工，約左媽咪食飯睇野，餐飯唔夠飽，所以走左去附近的糖水鋪食下糖水！店舖位於百貨公司隔離，都好近搵！店內光猛整潔，座位之間都好闊落！芝麻椰汁西米圓 HK$35這碗是非一般的西米露，上面加左芝麻，又有另一番風味，而中間是也不是非一般的湯丸，入面加入左綠豆蓉同芋頭蓉，是他們自創的，以純西米皮做皮好特別，煙煙韌韌，好有口感！花布街 HK$42這個甜品以芒果為主，主要以芒果布甸及豆腐花，兩款的口感質地都好唔同，口感豐富，而芒果好甜，好開胃，再加入蘆薈及黑珍珠，增加飽肚感！不過略為覺得份量有點少，四十多元有點貴！小食拼盤 HK$24因為還是有點肚餓，叫了一份咸點，其實就是咖哩魚蛋同燒賣，咖哩汁微辣，香口惹味！