東海堂 (已結業)

天时暑热，食完饭都几想食返件甜品所以今日行过东海堂决定执返几件饼叹下今次一共执左八件饼竹炭蛋糕：我个人不太喜欢，因为蛋糕囗感有啲奇怪，入口沙沙声，好似有砂糖粒咁既感觉，而且竹炭嘅味道唔系咁讨好黑森林：面头有啲朱古力粉，下面系香浓朱古力慕丝，中间有提子啫喱味道不会太甜，下面系朱古力蛋糕草莓挞：上面嘅忌廉好香浓奶味，之后有几粒草莓好多汁好香甜，中间嘅忌廉吉士酱，好滑好香，下面就系曲奇挞皮，好松脆杂果挞：上面有几款生果（包括：密瓜、草莓、桃及菠萝），每粒生果都好甜，下面同草莓挞一样系吉士酱同曲奇挞皮绿茶红豆：绿茶蛋糕有少少绿茶味，但不算好浓，面头铺左层薄忌廉同绿茶粉，中间嘅红豆忌廉冇咁重奶味，红豆唔会好硬身，混合忌廉嘅口感不错芒果山丘：芒果味浓郁，口感幼滑，中间有层海绵蛋糕曲奇妙趣：oreo饼碎慕丝，慕丝中有oreo碎，口感多一层层次，底下有朱古力蛋糕意大利芝士冻饼：意大利芝士慕丝有淡淡芝士味，不会过腻，面头有可可粉，中间有层海绵蛋糕