茶木‧台式休閒餐廳 (屯門市廣場1期)

一直同媽咪都好鍾意食茶木，一向都係性價比高，抵食又好食之選！😋 但係之前疫情少咗出街食飯，都有一排冇黎，最近同媽咪再去屯門呢間分店，發現原來大裝修咗，靚咗好多😳😳 好鍾意依家簡潔、光猛嘅設計！

茶木仲係一如以往嘅多人，平日夜晚都要排隊～～仍然係人龍店😆 好好彩我哋被安排到一個小角落 咁啱呢個位得兩張枱 好似一個小空間咁😍😍 配上水泥灰色嘅牆身 很可以！🖤

我哋次次都必叫嘅一定係鹽酥雞排！茶木嘅鹽酥雞排係無敵！！！🥹🫶🏻 配肉燥飯/手作麵都可以～ 今次又想食雞又想食台灣腸(多蒜🤤)～～所以嗌咗小食拼盤🐥

路邊攤小食

今次仲試咗個烏魚子元貝手作麵🍝（好似係新嘢）粒元貝大粒到呢😳😳煎得好香～ 配上忌廉汁同埋每啖都有烏魚子嘅香味🐟 茶木嘅洋食手作面都真係唔會失望😚

烏魚子元貝手作麵

烏魚子元貝手作麵

之前次次甜品都會食最出名嘅蜜糖磚塊🍯 但係今次唔係好肚餓唔想食咁大舊🤣 而且見到有新嘢想試吓😳 係韓國好Hit嘅牛角包窩夫！😍🥐🧇 我哋一人叫咗一個 配上嘅雪糕球仲可以自己揀唔同口味☺️ 正喎😋

1

綜合水果牛角窩夫

仲有要講吓會嘢飲！！脆脆黑糖奶茶🧋（如無意外都係新嘢😂）喂啊超級好飲😍😍😍杯邊啲黑糖脆脆 沾上濃厚嘅奶蓋🤤 而且佢哋嘅黑糖奶茶係可以揀紅豆/胚芽/愛玉都可以，啱晒我唔係好鍾意食珍珠嘅人😹

脆脆黑糖奶茶配紅豆

愛上了🥹 下次都要飲！茶木又再成為我的飯堂了🫶🏻

茶木土鳳梨酥

$32