添喜冰室 (已結業)

旺角區向來都是小食及美食既天堂，要食到各國美食並不是難事，沿著女人街、登打士街步行，附近總會找到讓人驚喜既美食餐廳。是日於附近醫院探病後來到廣華街，偶然經過一間名為「添喜冰室」既茶餐廳，俾餐廳既鐵板吸引😍😍1. 厚切豬扒配薯蓉🐷🐷🐷鐵板套餐配上餐湯一份及飲品😊上枱既時候絕對俾賣相吸引，一淋汁，沙沙聲四起，聽到聲已經覺得肚餓。正如菜式名一樣，厚切豬扒厚度非常厚，如圖所見，對比一般既鐵板豬扒厚最少一倍。原本以為甘厚會唔會好難切開，點知一切開，肉質仍然嫩滑，而且表面預先煎香，表皮微焦，內裡則熟透，可以見到廚師手藝拾到好處☺️☺️蒜蓉汁不算太甜，而且仲有一粒粒蒜蓉粒於醬汁當中，切開豬扒再沾汁，肉味更香更出😝😝2. 鰻魚滑蛋飯🐣🐣添喜冰室除左港式鐵版外，估唔到連日式菜式都有，友人點了「鰻魚滑蛋飯」，滑蛋非常嫩滑，蛋汁流哂出黎，而鰻魚就大大份，外脆內軟😻兩個人埋單都係150蚊左右，旺角區必推介茶餐廳😎😎😎