影片
更多
2023-02-27
516 浏览
好耐冇去淘大，今晚屋企唔煑飯，就約咗老公一起去食嘢。淘大條食街多嘢棟，老公從街頭睇到街尾，跟住扑鎚食馬來西亞餐。雖然已經喺七點幾，餐廳人唔多，我哋睇咗餐牌，二人餐的食物唔啱我哋，所以決定散叫。老公嗌咗海南雞飯，我要咗個馬來椰漿飯配巴東牛肉，外加一個豬潤肉骨茶。海南雞飯最先上，俾嘅沾醬分別喺辣椒醬，黑豉油同薑蓉，我試咗少少辣椒醬，係正宗配海南雞飯的，幾好。油鷄飯望落唔係太油，除咗鷄，仲有青瓜、紅蘿蔔粒同花生等配料。老公話啲鷄肉都幾滑，最緊要係冇骨，但係啲飯就唔夠香。我碟椰醬飯到喇。首先要講嘅係巴東牛肉，煮得幾冧，辣度啱啱好，配上椰漿飯，非常之開胃。配料方面同海南雞飯一樣，亦都係青瓜、花生同紅蘿蔔粒等，呢碟飯仲俾咗一個可以依照客人要求烹煮嘅蛋，我就選擇咗要一個太陽蛋。另外仲另上一小碟辣椒，我本來以為喺參巴辣椒，但原來係甜辣醬，呢個唔正宗，要扣分。碗豬潤肉骨茶要讃。首先係啲豬膶，非常之爽脆，有七、八塊咁多，係屬於煮得啱啱好，咬落彈牙嗰種。至於個湯，因為係星加坡式，所以係胡椒湯底，佢非常之清甜，夠辣，飲咗成身暖笠笠，啱晒喺清涼的晚上飲，碗湯內仲有啲油豆腐，吸晒啲湯汁食落去真係好美味。因為係肉骨
雖然已經喺七點幾，餐廳人唔多，我哋睇咗餐牌，二人餐的食物唔啱我哋，所以決定散叫。老公嗌咗海南雞飯，我要咗個馬來椰漿飯配巴東牛肉，外加一個豬潤肉骨茶。
海南雞飯最先上，俾嘅沾醬分別喺辣椒醬，黑豉油同薑蓉，我試咗少少辣椒醬，係正宗配海南雞飯的，幾好。油鷄飯望落唔係太油，除咗鷄，仲有青瓜、紅蘿蔔粒同花生等配料。老公話啲鷄肉都幾滑，最緊要係冇骨，但係啲飯就唔夠香。
峇峇冇骨海南雞飯（配油飯）
$68
18 浏览
0 赞好
0 留言
我碟椰醬飯到喇。首先要講嘅係巴東牛肉，煮得幾冧，辣度啱啱好，配上椰漿飯，非常之開胃。配料方面同海南雞飯一樣，亦都係青瓜、花生同紅蘿蔔粒等，呢碟飯仲俾咗一個可以依照客人要求烹煮嘅蛋，我就選擇咗要一個太陽蛋。另外仲另上一小碟辣椒，我本來以為喺參巴辣椒，但原來係甜辣醬，呢個唔正宗，要扣分。
巴東牛肉椰漿飯（配太陽蛋）
$66
27 浏览
0 赞好
0 留言
碗豬潤肉骨茶要讃。首先係啲豬膶，非常之爽脆，有七、八塊咁多，係屬於煮得啱啱好，咬落彈牙嗰種。至於個湯，因為係星加坡式，所以係胡椒湯底，佢非常之清甜，夠辣，飲咗成身暖笠笠，啱晒喺清涼的晚上飲，碗湯內仲有啲油豆腐，吸晒啲湯汁食落去真係好美味。因為係肉骨茶，所以亦都俾咗一細碗油炸鬼同埋醬油、鮮辣椒同蒜蓉等一齊食。呢個食法係正宗嘅，只不過啲油炸鬼唔新鮮，已經係硬繃繃，所以又係失咗啲分。
爽脆豬潤星洲肉骨茶
$54
10 浏览
0 赞好
0 留言
埋單連加一共207，唔貴，值得推介👍！
张贴
