Via Tokyo (已結業)

大約7pm食完晚餐，之後想食d甜品，就係openrice搵左呢間主打食綠茶甜品嘅餐廳via tokyo。聽個名就覺得d甜品材料會係日本直送。餐牌上選擇多不勝數，真係睇到眼花撩亂呀。最特別就係係8pm前黎度，仲可以選擇下午茶添。我地都覺得下午茶幾抵食，所以都有叫到。其中一個下午茶我地就揀左蕨餅、雪糕，另外加$5轉左抹茶拿破崙。個拿破崙個人認為幾好食，因為d酥皮好鬆脆，而餡就有綠茶味同雲呢拿味嘅cream，好好食。而雪糕就揀左綠茶味，非常香濃，而且仲有d紅豆，好正。另外，下午茶亦都可以加$5轉抹茶芝士蛋糕。個芝士蛋糕嘅綠茶味非常濃，如果抹茶控黎一定好中意食。而牛奶雪糕亦都好滑好好食。生果抹茶雪糕白玉餡蜜都好值得推薦，因為佢有幾款生果，好抵食。