自從2月食完壹火鍋，就成日心思思想去食多次。餐廳同上次一樣座無虛席，我哋都排左十幾分鐘先入到去。
我覺得呢間餐廳好貼心，因為佢嘅豉油碟係分咗三格，可以比客人攞多少少唔同嘅醬。
上次試左中日鴛鴦湯底，今次就試吓中式湯底，花刁醉雞湯底。湯底同醉雞分開。湯底入邊有杞子紅棗等等嘅藥材，聞落去已經好香濃既藥材味。等啲湯差唔多滾，我哋就可以將醉雞放落去。
刺身方面選擇都有幾多，全部都好新鮮，三文魚塊塊都到好厚身。
1
我哋今次到價錢食海鮮拼盤，因為真係好抵食入面有鮑魚生蠔龍蝦等等，樣樣都好大隻好新鮮，其實兩個女仔食完都飽飽地。
呢間火鍋配料好多都係任食。雪花肥牛，呢間肥牛好抵讚，一疊嘅份量好多不特止而且牛肉嘅色澤亦都好鮮艷，一睇就知唔係便宜貨。
我同友人特別鍾意佢哋嘅墨魚滑同蝦滑。份量多而且入面粒粒蝦肉，無溝到好多麵粉。
蔬菜嘅選擇都唔少，而且都好新鮮。
食飽飽就當然要食下甜品啦，雪櫃入邊有雀巢雪糕同埋雪米糍，雪米糍仲要有齊晒咁多隻味，食得落可以試哂佢地d味。
