健康食品拉麵 (威利大廈)

营业中

休息中

某日接女朋友放工食饭，女朋友话带我去食间好食既拉面店，仲以为佢会带我去豚王之类好出名果啲铺头，点知行行下都几偏僻，去左一间出面有大排档，而入面布置几靓既拉面店。听女朋友讲间铺系日本人开，咁拉面自然应该都几正宗，一坐低就听到隔离几枱都系...讲日文！个老板仲走出黎招呼佢地，用日文倾计，咁既情况我仲以为去左日本添，风味唔错。环境几好，不过逼左啲，间野都几细，啲人都要坐出去，如果热辣辣要我坐出去食拉面不要一枪打死我...好彩我系坐入面，入面冷气够哂劲，唔洗怕食到大汗叠细汗。好，野食方面，女朋友话唔肚饿，所以只系叫左两个小食+一碗面食。炸蚝 ─同普通店铺炸蚝冇咩分别，有啲失望但都算好食嘅，系好细旧，一碟得三旧。奶油蟹肉饼 ─奶油味太重，咬落去有啲油腻，食唔出系蟹肉，一般般。正宗秘制拉面 －最期待始终系拉面，见佢招牌拉面就系呢碗就即刻试下啦。每次食拉面第一件事就系饮汤！饮落去有小小失望，因为我系日本食既拉面都好好食，汤味浓郁，呢碗就差少少，好似得个咸字，冇咩鲜味。但面条同豚肉等几好食，硬面条够口感，豚肉一咬即溶，配埋我最爱既洋葱+紫菜，都食得过既。下次会再去食，试下其他味道既面。